ពិធីចុះហត្ថលេខាលើឯកសារវិសោធនកម្មនៃការអនុវត្តជាក់ស្តែង ស្តីពី ការពង្រឹងកិច្ចសហប្រតិបត្តិការខាងត្បូង-ខាងត្បូង និងកិច្ចសហប្រតិបត្តិការត្រីកោណ សម្រាប់ការអនុវត្តកម្មវិធីកិច្ចសហប្រតិបត្តិការបច្ចេកទេសរបស់ទីភ្នាក់ងារថាមពលបរមាណូអន្តរជាតិ (IAEA)

ទីក្រុងវីយែន៖​ ទីស្នាក់ការកណ្ដាលនៃទីភ្នាក់ងារ IAEA ស្ថិតនៅក្នុងទីក្រុងវីយែន សាធារណរដ្ឋអូទ្រីស ថ្ងៃអង្គារ ០២កើត ខែអស្សុជ ឆ្នាំខាល ចត្វាស័ក ព....

ទីក្រុងវីយែន៖​ ទីស្នាក់ការកណ្ដាលនៃទីភ្នាក់ងារ IAEA ស្ថិតនៅក្នុងទីក្រុងវីយែន សាធារណរដ្ឋអូទ្រីស ថ្ងៃអង្គារ ០២កើត ខែអស្សុជ ឆ្នាំខាល ចត្វាស័ក ព.ស.២៥៦៦ ត្រូវនឹងថ្ងៃទី២៧ ខែកញ្ញា ឆ្នាំ២០២២

ឯកឧត្តម អ៉ឹង អៀង រដ្ឋលេខាធិការក្រសួងរ៉ែនិងថាមពល និងជាតំណាងដ៏ខ្ពង់ខ្ពស់របស់ ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល បានចូលរួមចុះហត្ថលេខាលើឯកសារវិសោធនកម្មនៃការអនុវត្តជាក់ស្តែង ស្តីពី ការពង្រឹងកិច្ចសហប្រតិបត្តិការខាងត្បូង-ខាងត្បូង និងកិច្ចសហប្រតិបត្តិការត្រីកោណ សម្រាប់ការអនុវត្តកម្មវិធីកិច្ចសហប្រតិបត្តិការបច្ចេកទេសរបស់ទីភ្នាក់ងារថាមពលបរមាណូអន្តរជាតិ (Amendment to Practical Arrangements on Strengthening South-South and Triangular Cooperation for Implementation of the IAEA Technical Cooperation Programme) រវាងក្រសួងរ៉ែនិងថាមពលកម្ពុជា ទីភ្នាក់ងារថាមពលបរមាណូអន្តរជាតិ (IAEA) និងក្រសួងវិទ្យាសាស្ត្រនិងបច្ចេកវិទ្យាវៀតណាម។

សូមជម្រាបជូនថាកិច្ចសហប្រតិបត្តិការទាំងពីរខាងលើ បានដើរតួនាទីយ៉ាងសំខាន់ក្នុងការគាំទ្រការផ្លាស់ប្តូរចំណេះដឹង និងបច្ចេកវិទ្យានុយក្លេអ៊ែរ សំដៅចូលរួមដោះស្រាយបញ្ហានានាពាក់ព័ន្ធនឹងការអភិវឌ្ឍបច្ចេកវិទ្យានុយក្លេអ៊ែរនេះ។