កម្លាំងសូម៉ាលីសម្លាប់ក្រុមសកម្មប្រយុទ្ធ អាល់ ស្ហាបាប ២០០នាក់នៅតំបន់កណ្តាលប្រទេសសូម៉ាលី

ប្រទេសសូម៉ាលី៖មន្ត្រី​ទ័ព​ជាតិ​សូម៉ាលីបាននិយាយកាលពីថ្ងៃចន្ទថា កម្លាំងរបស់ពួកគេបានសម្លាប់ក្រុមសកម្មប្រយុទ្ធ អាល់ ស្ហារបាប ច្រើនជាង ២០០នាក់ ក្...

ប្រទេសសូម៉ាលី៖មន្ត្រី​ទ័ព​ជាតិ​សូម៉ាលីបាននិយាយកាលពីថ្ងៃចន្ទថា កម្លាំងរបស់ពួកគេបានសម្លាប់ក្រុមសកម្មប្រយុទ្ធ អាល់ ស្ហារបាប ច្រើនជាង ២០០នាក់ ក្នុងអំឡុងពេលប្រតិបត្តិការដែលបានធ្វើឡើងកាលពីថ្ងៃអាទិត្យនៅក្នុងស្រុក ប៊ូឡាបឺត នៅតំបន់កណ្តាលប្រទេសសូម៉ាលី កាលពីថ្ងៃអាទិត្យ។

ភ្នាក់ងារសារព័ត៌មានរបស់រដ្ឋបានចុះផ្សាយថា ក្រុមសកម្មប្រយុទ្ធគ្រោងនឹងបិទផ្លូវរវាងស្រុក បេឡិដវ៉េនី និងបូឡាបឺត និងធ្វើ​ការ​វាយ​ប្រហារ ក៏ប៉ុន្តែ​កម្លាំងសូម៉ាលី​ទទួលព័ត៌មានសម្ងាត់​ទាន់​ពេល​វេលា និងបាន​រារាំង​ការ​វាយ​ប្រហារនោះ។

ភ្នាក់ងារសារព័ត៌មានសូម៉ាលីបានរាយការណ៍ថា៖“គោលបំណងរបស់ពួកគេគឺបិទផ្លូវរវាងទីក្រុងបេឡិដវ៉េនី និងបូឡាបឺត។ ប៉ុន្តែ​ពួក​គេ​បាន​គិត​ខុស ហើយ​ត្រូវ​បញ្ចប់​ដោយការបាញ់គ្នា”។ កម្លាំង​សូម៉ាលី​គាំទ្រ​ដោយ​កងជីវពល​គាំទ្រ​រដ្ឋាភិបាល​បាន​រំដោះ​ច្រើនជាង ៤០ភូមិ និងបានសម្លាប់ក្រុមសកម្មប្រយុទ្ធ អាល់ ស្ហារបាប ច្រើនជាង ៥០០នាក់ក្នុងរយៈពេលបីសប្តាហ៍កន្លងមកនេះក្នុងប្រតិបត្តិការនៅកណ្តាលប្រទេសសូម៉ាលី។

គួរបញ្ជាក់ផងដែរថា ក្រុម​សកម្មប្រយុទ្ធ​បាន​បាត់បង់​ដី​ទៅ​រដ្ឋាភិបាល​សូម៉ាលី និកងទ័ពសហភាពអាហ្រ្វិកកាលពីប៉ុន្មានខែថ្មីៗនេះ ប៉ុន្តែពួកគេនៅតែអាចគ្រប់គ្រងលើទឹកដីមួយចំនួននៅភាគខាងត្បូង និងកណ្តាលប្រទេសសូម៉ាលី៕