រឿងប្រើប្រាស់ថាមពលសួឡា សូមសង្ខេបដោយខ្លី

  ១. មិនចាំបាច់ចុះបញ្ជី មិនបាច់ខ្វល់ រវល់អីទាំងអស់ ចំពោះឧបករណ៍ប្រើពន្លឺព្រះអាទិត្យដោយផ្ទាល់ ដូចជាបង្គោលអំពូលភ្លើង ម៉ាស៊ីនបូមទឹក ឆ្នាំងដាំបាយ...

 

១. មិនចាំបាច់ចុះបញ្ជី មិនបាច់ខ្វល់ រវល់អីទាំងអស់ ចំពោះឧបករណ៍ប្រើពន្លឺព្រះអាទិត្យដោយផ្ទាល់ ដូចជាបង្គោលអំពូលភ្លើង ម៉ាស៊ីនបូមទឹក ឆ្នាំងដាំបាយ អំពូលបំភ្លឺតាមសួនជាដើម ដែលមិនតភ្ជាប់ជាមួយប្រព័ន្ធខ្សែភ្លើងប្រើក្នុងផ្ទះរាល់ថ្ងៃជាមួយភ្លើងរដ្ឋ។ 

២. ធ្វើស្វ័យប្រកាស តែមិនមានបង់លុយ ឬចំណាយអ្វីទាំងអស់ សម្រាប់អ្នកប្រើសូឡាតាមផ្ទះ តាមអាជីវកម្ម ដែលមានអានុភាពត្រឹម ១០គីឡូវ៉ាត់ចុះក្រោម ឬសូឡាទំហំមធ្យម ២០ផ្ទាំង ឬអាធំ ១៦ផ្ទាំង សរុបទៅប្រហែល ១២០ម៉ែត្រការ៉េ ទៅ ២០០ម៉ែត្រការ៉េ ដូចនេះស្ទើរ៩៥% មិនប៉ះពាល់អីទេ។ សូមកុំផ្អើលតាមគ្នា រឿងប្រើអំពូលសូឡា ត្រូវបង់ពន្ធ បង់ថ្លៃនោះ សូមស្វែងយល់ច្បាស់សិន។ 

៣. ចុះបញ្ជី និងអាចត្រូវបង់ថ្លៃប៉ះប៉ូវ ដើម្បីឱ្យមានសមធម៍នៅពេលខាងមុខ ចំពោះតែរោងចក្រឧស្សាហកម្ម កន្លែងធ្វើពាណិជ្ជកម្ម សណ្ឋាគារ ឬអគារធំៗ។ មូលហេតុ ដោយសារគេរកស៊ីលើប្រព័ន្ធហ្នឹង ហើយគេក៏ចំណេញថ្លៃភ្លើងច្រើន គេត្រូវបង់ថ្លៃប៉ះប៉ូវ ដើម្បីទប់ថ្លៃអ្នកប្រើផ្សេងទៀត។ បើនិយាយទៅ វាជាប្រយោជន៍អ្នកប្រើតូចៗ។

មូលហេតុអ្វី បានត្រូវធ្វើស្វ័យប្រកាស និងគ្រប់គ្រងលើការប្រើប្រាស់ថាមពលពីព្រះអាទិត្យ? 

មិនមែនអាជ្ញាធរអគ្គិសនីគ្រប់គ្រងព្រះអាទិត្យទេ គឺគ្រប់គ្រងប្រភពថាមពល មិនខុសអីពីការគ្រប់គ្រងប្រភពថាមពលពីទឹក ពីខ្យល់ ឬពីប្រភពធាតុដើមផ្សេងៗឡើយ គឺដើម្បីការពារប្រយោជន៍រួម។ 

១. ដើម្បីគ្រប់គ្រងចរន្ត@ ការតបណ្ដាញសូឡាជាមួយខ្សែភ្លើងជាតិដោយផ្ទាល់ អាចធ្វើអោយជ្រាបចរន្តអគ្គិសនីទៅក្នុងខ្សែវិញ ពេលចរន្តជាតិផ្ដាច់អគ្គិសនីដើម្បីជួសជុលផ្សេងៗ អាចបង្កហានិភ័យដល់អាយុជីវិតអ្នកជួសជុលបណ្ដាញ។ ដូចនេះ គេការពារទុក ដឹងផ្ទះណា ដាក់សូឡាធំៗ អាចបង្កគ្រោះថ្នាក់ ស្រួលបង្កាជាមុន។ 

២. ដើម្បីគ្រប់គ្រងលំនឹងថាមពល@ ព្រះអាទិត្យជួនលិចជួនរះមិនទៀង មិនអាចគ្រប់គ្រងបាន ហើយការឡើងចុះមិនទៀងនេះ វាប៉ះពាល់ដល់លំញ័រអគ្គិសនីឡើងចុះដែរ នាំអោយរអាក់រអួល ឬដាច់តែម្ដង។ ចឹងចុះបញ្ជី ដើម្បីដឹងច្បាស់ និងរៀបចំឧបករណ៍បន្សាបលំញ័រ។

៣. ដើម្បីគ្រប់គ្រងបរិមាណថាមពល@ បើមិនដឹងថាប្រើថាមពលព្រះអាទិត្យអស់ប៉ុន្មាន ចឹងខាងអគ្គិសនីក៏មិនដឹងច្បាស់ថា គួរស្តុកទុកថាមពលប៉ុន្មាន ដើម្បីអតិថិជនប្រើប្រាស់ពេលព្រះអាទិត្យអត់សប្បាយចិត្ត អត់បើកថ្ងៃ ឬក៏ពេលយប់ជាដើម។ និយាយស្រួលយល់ ចង់អោយគេត្រៀមសល់រហូត មិនខាតហើយទេ។